TVE explica como vestir as fillas con decoro para que non provoquen. O telexornal da cadea pública volve sementar de novo a polémica despois de afirmar hai uns días que rezar calma a ansiedade das persoas desempregadas.

• Como vestir as fillas

A homosexualidade é un delito en 80 países do mundo. Nalgúns, como en Irán, Iemen ou Arabia Saudita, onde se aplica a sharia, ese delito págase coa morte. Uganda, un dos países máis profundamente cristiáns de África, tamén decidiu modificar o seu código penal para condenar á morte os homosexuais. O proxecto de lei, actualmente en discusión no Parlamento de Kampala, contempla a execución para a chamada homosexualidade agravada ou reincidente, e a cadea perpetua para todo aquel sorprendido tendo relacións sexuais con alguén do mesmo sexo.

{Fonte: Caza al homosexual, no diario El País.}

O Ministerio Fiscal do Estado español solicitou dous anos de cárcere para un home acusado de abuso sexual, por facer unha felación a un amigo mentres este estaba durmido. O xuízo celebrarase na sección terceira da Audiencia cántabra. Segundo se recolle no escrito de cualificación da Fiscalía, os feitos ocorreron cando o procesado estaba no interior do seu domicilio nacompaña do seu hoxe ex-amigo, cando este último quedou durmido ao redor das seis da mañá, despois de que os dous estivesen consumindo bebidas alcohólicas durante a noite. Aproximadamente unha hora despois, o acusado, segundo o fiscal co ánimo de satisfacer os seus desexos sexuais e aproveitándose de que o mozo estaba sumido nun soño profundo, espiuno de cintura para abaixo e comezou a lle facer unha felación. Cando esta persoa chegou a introducir o pene da vítima na boca, esta acordou sobresaltada, manifestoulle o seu desgusto e díxolle que era heterosexual. Ademais vestiuse e marchouse. E ao pouco, a denuncia.

{Fonte: FinoFilipino}

Un sacerdote italiano, Piero Corsi, xustifica os malos tratos porque as mulleres “provocan cada vez máis”. Coloca unha carta no taboleiro informativo da parroquia, titulada Donne e il femminicidio, na que asegura que as mulleres “desatan os peores instintos e despois chégase á violencia ou ao abuso sexual”. A súa pretensión, sinala, é facer unha “sa crítica” e apunta que moitas veces “unha prensa fanática e desviada” bota a culpa de todo ao home, escondende que as mulleres “deveñen arrogantes, crense autosuficientes e acaban por exasperar as tensións”.

{Fonte: Público}

“Pertencemos á Igrexa e á fe católica e temos suficiente capacidade intelectual e responsabilidade para defender os nosos fillos”. É a cautela que lanza un grupo de pais e nais de Zas antes de expoñer o conflito que manteñen co responsable da súa parroquia a conta do xiro “extremista” que, aseguran, experimentou a doutrina que reciben na catequese os seus nenos e nenas, ata o punto de retiralos destas xuntanzas e ensinarlles o Catecismo pola súa conta, nun local alleo á institución católica. A causa, din, está na chegada á parroquia das relixiosas da Fraternidad Reparadora Apostólica, que comezaron a “adoutrinar” os pequenos “na tristura, no sufrimento”, “na valoración da dor e da enfermidade como castigo de Xesús polos nosos pecados” ou na ameaza de que “se non acoden ás xuntanzas, o demo vai entrar no seu corpo e na súa casa”. Estas monxas, explican, mudaron os materiais de catequese “de toda a vida” polo libro Ven y sígueme, no que estas familias observan “claras referencias ao Opus Dei” (…)

Fragamento extraído da nova en Praza Pública.

En 1965, naceu en Canadá un cativo chamado David Reimer. Aos oito meses de idade, foi sometido a unha circuncisión. Desafortunadamente, a operación saíu mal debido a un fallo médico e o seu pene quedou inservible. Os seus pais visitaron a consulta do psicólogo John Money, quen suxeriu unha solución disparatada: un cambio de sexo. Os seus pais estaban angustiados pola situación e estiveron de acordo co procedemento. Non sabían que as verdadeiras intencións do doutor eran probar unha teoría súa moi particular: a identidade sexual pode ser aprendida, e decidiu utilizar a David como coello de indias. David converteuse en Brenda. Tiña unha vaxina e déronlle suplementos hormonais. David Reimer comezou a medrar e tiña sentimentos contraditorios e confusos sobre unha variedade de temas. O peor de todo é que os seus pais non lle informaron da súa verdadeira identidade sexual. Finalmente, os pais de David déronlle a noticia do seu verdadeiro xénero sexual cando tiña 14 anos. Brenda decidiu converterse en David unha vez máis, deixou de tomar estróxenos e reconstruíronlle un pene. O doutor Money insistiu en que o experimento fora un éxito, deixando fóra moitos detalles da loita de David coa súa identidade sexual imposta. Á idade de 38 anos, David Reimer suicidouse.

Un home de 65 anos, cuxa única compañía é unha cadela de raza pastor alemán, foi imputado por malos tratos animais despois de que unha veciña o sorprendese practicando sexo co animal e alertase a policía local de Torrent, localidade onde reside o sexagenario. Os axentes, a quen o home abriu a porta aínda espido e co “membro viril erecto”, abriron dilixencias contra el e trasladaron a cadela a unha protectora de animais para que se fixesen cargo dela.

O home, quen non comprende os motivos polos que a policía lle retirou o animal, acudiu ao día seguinte ao retén policial para reclamar que lle devolvesen a cadela, á cal se referiu como “a súa parella”. “Foi chorando dicindo que a botaba de menos”, explicaron fontes da protectora que se fixo cargo do animal.

Os feitos ocorreron o pasado xoves pola tarde cando unha veciña observou dende unha xanela como o home tiña sexo coa cadela. O home agrediu o animal en presenza dos axentes e estes abriron dilixencias por malos tratos.

{Fonte: Levante-emv}

A fotoxornalista de National Geographic, Stephanie Sinclair, viaxou durante oitos anos a India, Yemen, Afganistán, Nepal e Etiopía para filmar o documental: Too Young to Wed. The secret world of child brides. Para realizalo, entrevistou nenas casadas, outras que fuxiron da súa situación e outras que sufriron feridas ben grandes, como cortarlles as orellas e o nariz. E tamén falan homes partidarios desta práctica. O video que traemos son 10 minutos escasos que paga moito a pena ver.

{Fonte: Trafegando ronseis}

Quen non sabe e sabe que non sabe é un ignorante; apréndelle. Quen non sabe e non sabe que non sabe, ese é un necio; evítao. – Mateo o Evanxelista

Quen non sabe é un ignorante, quen non sabe que non sabe é un necio. – Chinua Achebe

Este proxecto do Divino Ferrete ten moito -todo- que ver coa lingua. De tal maneira que, sexa quen sexa o que o faga, sempre terá o noso apoio aquel que denuncie a mala praxis do Partido Popular, partido que leva anos destrozando o noso patrimonio máis prezado.

Zasca!