Curioso o dos videos musicais que poñen nos ximnasios. Mulleres esculturais, nádegas anti gravidade, camisetas molladas e movementos a cámara lenta –ou é quizais un efecto óptico por levar moita velocidade na bicicleta… – Na sala de máquinas, as usuarias súan visualizando un futuro e circular cu de pedra. Nos bancos de pesas, eles soñan con levar á cama as femias do televisor…

Alén de fantasías, subidas de temperatura e suores, sexo e ximnasia van da man en moitos aspectos. A práctica de exercicio físico favorece a producción de testosterona nos homes, eleva a autoestima e mellora o desexo sexual. Protexe, ademais, ante problemas como a disfunción eréctil. En termos de equivalencia, un coito permite queimar ata 150 quilorías e ten o mesmo efecto que subir a un segundo piso (Princeton Consensus Panel).

Sexo e exercicio físico, pola contra, divórcianse no caso do deporte de elite, malia que non sen controversia. Sitúanse, por unha banda, os que defenden a abstinencia absoluta para manter a tensión e evitar unha excesiva relaxación do deportista. Pola outra, os que consideran necesario suavizar con sexo a agresividade de xogadores de fútbol en risco de ser expulsados por actitudes violentas no campo, e lembran o efecto ‘anabolizante’ do coito, que mellora o rendemento físico. Non hai consenso.

Na banda oposta, os excesos anulan todo tipo de beneficio: o consumo de anabolizantes e tratamentos con testosterona asociados á vigorexia botan por terra tanto o desexo sexual como a capacidade de erección do deportista.

Medicina, sadismo, porno, arte? A ilustración guieira de dona Lorena Bobbitt?

Extracto traducido da nova en Diario Extra.

Unha traxedia conmocionou os residentes de Rubiataba no interior de Goiás, no Brasil, onde un adolescente de 16 anos morreu logo de masturbarse 42 veces seguidas sen ningunha pausa. Segundo os informes das autoridades o raparigo comezara ao redor da medianoite e pasou a noite toda a facer secuencias de masturbación sen descansar, terminaba unha e comezaba outra.

Na computadora persoal do mozo foi atopado preto de 1 millón de vídeos eróticos e 600 mil fotografías de mulleres espidas e con pouca roupa.

O mozo seica tiña queimaduras de terceiro grao nas súas mans logo da maratónica acción.

{Fonte: Diario Extra, vía FinoFilipino}

A revista Kiss Comix deixa de publicarse dada a baixada nas vendas que con toda probabilidade ten a súa orixe no acceso directo e de balde ao erotismo que permite a internet.

Un filme documental de Diana Fabianova sobre un dos grandes tabús da feminidade: a regra.

A masturbación é un comportamento común entre os menores, case universal da sexualidade adolescente: un 58% dos mozos e un 42% das mozas de entre 15 e 18 recorreu a ela algunha vez. Os mozos (73%) “de todos os grupos de idade admitiron masturbarse máis que as mozas (48%), unha práctica que aumenta a súa frecuencia conforme os menores fan anos. Así, mentres que o 63% dos homes de 14 anos recoñeceu terse autoestimulado cando menos unha vez, esta cifra foi do 80% para os que tiñan 17. O mesmo sucede coas mozas: un 43% recorreu á autobusca de pracer sexual aos 14 anos fronte ao 58% das que tiñan 17.

{Fonte: Archives of Pediatrics & Adolescent Medicine, vía El Mundo}

Fragmento da crítica feita por Armando Requeixo.

Non hei ser eu quen trate de (des)convencer a ninguén sobre o (in)verosímil do festivo sexual de Lorena e Gloria, dama de honor e noiva que, nos días previos ao casamento desta última, deciden trebellar intensamente con todo canto apañan nos momentos e lugares máis insospeitados. Nin tampouco caerei na crítica fácil da falta de credibilidade dos diálogos ou da súa manifesta escaseza, pois, por riba de todo o anterior —sexa ou non—, préstame convidar a que se fisgue no volume, inzado de bo humor e desenfado, gaudium venéreo ao que, se consegue alegrar (no sentido que se queira), ben pouco máis pode pedírselle nestes tempos de crise, tan pouco excitantes.

{Fonte: Blog Criticalia}

E se os superheroes vestisen de superheroínas?

{Fonte: Jessica Gottlieb}

O embigo está considerado un dos principais fetiches eróticos, poida que pola súa suposta semellanza co órgano xenital feminino. No libro clásico As mil e unhas noites menciónase en varios dos seus contos e adxudícaselle a calidade de “recipiente que contén poderosos aromas afrodisíacos”. Para os gregos, o embigo debía de estar no centro exacto entre o peito e os xenitais e era considerado como o centro do corpo da vida e da existencia.

Agalmatofilia, galateísmo, pigmalionismo, estatuofilia, monumentofilia ou petrifilia son as denominacións polas que se coñece unha parafilia que consiste na consecución da excitación sexual por medio de estatuas, bonecas ou maniquís. Dito isto, vexamos o mito de Pigmalión:

Moito tempo levaba Pigmalión á procura dunha esposa, que debía posuír unha fermosura que se correspondese coa súa idea dunha muller perfecta. Non deu co que buscaba, polo que finalmente decidiu que non casaría, e que non entanto dedicaría o seu tempo e mais o amor que gardaba á creación das máis belas estatuas. Así foi que realizou a estatua dunha moza, á que chamou Galatea, tan perfecta e tan fermosa que acabou namorado dela.

Afrodita, logo dun soño de Pigmalión no que a estatua cobraba vida, presentouse e díxolle: “Mereces a felicidade, unha felicidade que ti mesmo creaches. Velaquí tes a raíña que estabas a buscar. Ámaa e deféndea do mal”. E Galatea ficou transformada nunha muller real.