O feroz peixe “atacatestículos” que deu morte a dous homes ao lles morder o escroto, foi capturado polo biólogo británico Jeremy Wade tras semanas de pesca en Papúa Nova Guinea, despois de que os aldeáns lle relatasen que unha misteriosa criatura estaba a castrar os mozos nas augas da zona.

{Fonte: The Telegraph}

Conxuntamente coa escolla para as eleccións presidenciais, os cidadáns de Los Angeles deberán decidir se lles requiren aos actores e actrices da potente industria pornográfica do lugar que poñan preservativo para as rodaxes ou non.

{Fonte: The New York Times}

A sociedade civil exipcia deu este martes un novo paso cara á dignidade. Un tribunal de Giza, no Cairo, prohibiu á Xunta Militar que se practiquen probas de virxindade ás mulleres que estean baixo detención. Este “abuso sexual” utilizouse contra ducias de mulleres arrestadas a comezos de ano por participaren nas manifestacións da praza Tahrir.

{Fonte: Público}

Por exemplo:

Segundo Amnistía Internacional, as estatísticas mostran que as mulleres de Arabia Saudí constitúen un 55 por cento dos licenciados universitarios, posúen un 40 por cento da riqueza privada e 15.000 estabelecementos comerciais, mais non poden administrar publicamente os seus negocios nin participar na súa xestión. Para iso, deben estar representadas por un familiar home ou un avogado.

{Fonte: WebIslam}

Para todos os gustos.

As fotografías de Fisk og Fri verdadeiramente dan moito de si.

Google quita con certa frecuencia versións do seu propio logo e fai con este pequeno xesto que moitos sintamos curiosidade e piquemos nel para saber onde nos ha levar. De feito, moitas desas veces en que a compañía realiza estas mínimas mudanzas estéticas, provoca de forma paralela, intencionadamente ou non, intensos debates entre os propios internautas: se as homenaxes dos doodles están demasiado centradas na cultura norteamericana, se esquece figuras de primeira liña para meter outras de segunda, se son demasiadas as veces que bota man deste recurso ocasionando unha perda de interese polo usuario etc.

Sexan moitos ou poucos, feos ou bonitos, sirvan para render tributo a un persoeiro ou para pór de relevo un acontecemento, unha cousa si debemos esixirlle á empresa: que, sexa na lingua que sexa, non cometa fallos ortográficos. Doe ver unha frase con fallos, sobre todo por iso, porque é unha frase e non un parágrafo.

Velaquí a proba.

“Nestes anos aprendín moito do seu galeguismo ” – Xoán Carlos I de España a Francisco Franco.

{Fonte: Contraportada de El precio del trono (2011), de Pilar Urbano}

Mariano Rajoy despreza a paridade no seu novo equipo de goberno. O líder popular formou un Goberno de trece ministros, pero só catro deles son mulleres, fronte á paridade dos anteriores Executivos que formou José Luis Rodríguez Zapatero.

Á marxe de se as leis de cotas son ou non a maneira de avanzar cara á igualdade entre homes e mulleres, a chegada deste señor ao congreso é un claro retroceso no que ás carteiras ministeriais se refire. Cuestión de números: 9 versus 4.

Ugens fiskepige, é dicir, moza pescadora da semana. Que é isto? Pois a moza que cada semana sae seleccionada na revista dinamarquesa Fisk og Fri (máis ou menos, Peixe e Lecer). Un reclamo impactante para atraer lectores. As fotografías pódense consultar aquí. Que conste que hai semanas onde non é moza senón mozo, é dicir hai fiskefyr.

O xogador do Athletic de Bilbao Óscar de Marcos xogou unha hora (os 15 últimos minutos da primeira metade máis a segunda completa) co escroto desgarrado no encontro de fútbol disputado este pasado domingo co seu equipo diante do Real Zaragoza. As feridas abertas no escroto e no recto obrigaron a ter que ingresalo tan pronto como finalizou o partido para aplicarlle 25 puntos de sutura, nada menos.

{Fonte: Diario As}