A fotoxornalista de National Geographic, Stephanie Sinclair, viaxou durante oitos anos a India, Yemen, Afganistán, Nepal e Etiopía para filmar o documental: Too Young to Wed. The secret world of child brides. Para realizalo, entrevistou nenas casadas, outras que fuxiron da súa situación e outras que sufriron feridas ben grandes, como cortarlles as orellas e o nariz. E tamén falan homes partidarios desta práctica. O video que traemos son 10 minutos escasos que paga moito a pena ver.

{Fonte: Trafegando ronseis}

O documental de coprodución hispano-francesa El imperio de los “Sinsexo”, emitido pola segunda canle de RTVE, revelaba que o 70% dos habitantes de Xapón non mantén nunca relacións sexuais: parellas casadas que levan vinte anos sen facer o amor, parellas de mozos castos que evitan tocarse, executivos solitarios que pagan por poder aloumiñar… un gato. En fin, que hai que ver o documental e asombrarse coa cultura xaponesa, tan estraña para algunhas cousas.

{Fonte: LaRed21}

Filme documental de 25 minutos de duración a cargo de Xosé Bocixa sobre a situación da lingua galega.

{Fonte: Praza}

O documental Locos por el pene é un dos moitos contidos interesantes que calquera pode rememorar acudindo ao arquivo en liña de RTVE.

Existe algo así como un pene perfecto? A saber.

Un filme documental de Diana Fabianova sobre un dos grandes tabús da feminidade: a regra.

Imágenes prohibidas é unha serie documental de 1994 escrita e dirixida polo xornalista Vicente Romero. Nela nárrase a historia da censura cinematográfica, con especial atención ao sucedido no Estado español dende a promulgación das súas primeiras normas en 1912 até a súa desaparición en 1977.

A serie recolle numerosos testemuños de produtores, directores e actores que sufriron os rigores da censura, así como de responsables do control estatal sobre o cinema durante o franquismo e, mesmo, de membros das xuntas de Cualificación e Censura. Xunto a estes materiais aparecen filmacións de documentos inéditos da censura: desde os informes oficiais e ditames, até notas con instrucións políticas, relacións de cortes e tamén manuscritos dos propios censores cos seus xuízos e impresións sobre as películas.

Este que aquí se liga é o primeiro capítulo, de media hora de duración, que RTVE vén de colgar no seu sitio web.

O veterano programa de TVE Documentos TV emitiu a semana pasada o seguinte filme documental titulado El sexo en el siglo XXI. Nel, faise unha análise dos cambios en materia sexual dos cidadáns do estado e da revolución que supón a internet para a socialización, neste caso coa vista posta nos contactos sexuais.

A rebelión de Stonewall consistiu nunha serie de manifestacións espontáneas e violentas contra unha redada policial que tivo lugar na madrugada do 28 de xuño de 1969, no pub coñecido como o Stonewall Inn do barrio neoiorquino de Greenwich Village. Fálase decote destes disturbios como da primeira ocasión na historia de Estados Unidos en que a que a comunidade LGBT loitou contra un sistema que perseguía os homosexuais co visto e prace do goberno, e son xeralmente recoñecidos como o catalizador do movemento moderno a prol dos dereitos LGBT nos Estados Unidos.

TVE emitiu un documental de algo máis dunha hora de duración no espazo La noche temática. É este, e paga a pena miralo.

No programa Objetivo Euskadi de ETB emitiron un interesante documental sobre o sexo daquel país. Moi completo: dende as saunas gai, os clubs de intercambio, os tupper-sex ou os locais de masaxes orientais até conceptos como a fidelidade ou unha visión histórica do sexo coa mira posta no xacemento de Atapuerda e nas venus petreas.

A Asociación de Transexuais de Andalucía, en colaboración coa Delegación da Muller do Concello de Sevilla, produciron en 2010 o seguinte filme documental que ten por obxecto visualizar as diferentes formas de violencia que sufren as mulleres transexuais.