A revolución sexual dos 70 permitiu que as mulleres reclamasen o seu dereito ao gozo e a coñeceren a fondo os seus propios corpos. Non obstante, 30 anos máis tarde, o orgasmo feminino segue a ser un misterio para moita xente -homes e mulleres-.
O divino ferrete, un proxecto nado no seo de GalegoLab, quere ser o primeiro filme pornográfico feito en lingua galega en todas e cada unha das súas etapas.
Será distribuído en rede e de balde, terá unha licenza Creative Commons Recoñecemento-CompartirIgual 3.0 Xenérica e contará con dúas versións, unha de porno duro e outra de porno suave.