José Bernardo Medina, un mexicano de 36 anos foi detido pola policía local tras ser denunciado polo seu sogro por violación. Seica José pasou unha noite de festa co seu sogro e inxeriu moito alcol, sentindo a necesidade de practicar sexo co seu sogro, quen no entanto, grazas ás súas fillas, puido ser socorrido.

{Fonte: Cuatro}

Segundo unha enquisa realizada polo Instituto Mexicano de Sexología, a metade das mexicanas confesou que nunca ou moi rara vez experimentara un orgasmo. Dalgún xeito, este dato lembra a postura asumida por Alan Watts, quen afirmaba que a sexualidade humana debería ser a principal consideración das estratexias gobernamentais de saúde, sobre todo se consideramos que boa parte dos malestares psicolóxicos do ser humano, e por tanto físicos, ten que ver con asuntos sen resolver ligados a esta, a sexualidade.

{Fonte: Pijamasurf, vía Cola.escarlata [grazas!]}

Marcial Maciel argumentaba que tiña unha estraña enfermidade que os nenos podían axudar a aliviar; que precisaba dunha mostra de seme para un exame e un «axudante» para llo extraer. Argumentos incribles e ridículos para un adulto pensante, pero que facilmente enganchan un neno ou un adolescente que confía no padre e lle confire autoridade moral, que mesmo inclúe até o poder pedirlle que faga cousas que el non entende ou non lle parece que sexan boas; que confía en que se o padre as di é que deben ser boas. Este é exactamente o tipo de confianza que deposita un fillo no seu pai natural, quen lle dá indicacións de facer cousas «polo seu propio ben», aínda que «agora non entende, pero xa entenderá» etcétera.

María Paloma Escalante (antropóloga)
«El abuso sexual y el uso simbólico del concepto religioso del “padre”»,
na Revista Academica para el Estudio de las Religiones (2009).

O xornalista José Rodríguez, nun estudo publicado en 1995 sobre o comportamento sexual da Igrexa católica española, fundamentado sobre unha ampla base de datos e estatísticas cos historiais sexuais confirmados de case 400 sacerdotes daquela (e parte hoxe) en activo, concluíu que un 7% comete abusos sexuais graves a menores.

Noutra investigación realizada un ano antes, en 1994, polo catedrático da Universidade de Salamanca Félix López Sánchez, e publicada polo Ministerio de Asuntos Sociais de España, determínase que do total de cidadáns españois que teñen sufrido abusos sexuais cando nenos, o 4% asegura que foi abusado por un sacerdote católico.