Franziska Hansen, muller alemá de 33 anos, foi presuntamente acusada de «intento de asasinato cunha arma», despois de que o seu mozo, de profesión avogado, dixese que ela tratara de afogalo mentres finxía que estaban a gozar dun xogo sexual. Franziska nega as acusacións, dicindo que era un xogo sexual e que sabía o que facía, mais o seu mozo, Tim Schmidt, di que ela admitiu por teléfono que tratara de matalo, ao comentar que tentara asfixialo porque «quería que a súa morte fose o máis agradable posible». Tim declarou perante un tribunal de Alemaña que estaban a manter relacións sexuais en maio deste ano, cando a señora Hansen de súpeto agarrou a súa cabeza para comprimila entre os seus peitos con toda a súa forza. «Non podía respirar, a miña faciana debeu de virar azul. Non podía arredarme dela, mesmo pensei que ía morrer». O señor Schmidt afirma que logrou zafar e tivo que fuxir espido á casa dun veciño, quen deu a voz de alarma.

{Fonte: ABC}

Catarina II de Rusia era coñecida polo seu apetito sexual e polos seus numerosos amantes masculinos. Ela mesma fixo construír unha estancia secreta chea de pinturas e esculturas pornográficas, con escenas que incluían a violación, a pedofilia ou a zoofilia. Tamén se atopaban alí consoladores xigantes. A súa morte foi provocada por un ataque ao corazón tras facerse penetrar por un cabalo, o 6 de novembro de 1796, sen recuperar o coñecemento.

Ollo, é un posible hoax.

{Fonte: Historias insólitas}

Rasputín, quen fora un monxe de grande influencia nos últimos anos da Dinastía Romanov, tiña un pene de 28.5 centímetros que hoxe pode verse no museo erótico de San Petersburgo. O monxe tolo fora asasinado por un grupo de aristócratas en 1916, e para festexar a súa morte castrárano e gardaron o pene como trofeo, antes de queimar o seu corpo. O membro permaneceu na clandestinidade até 1967, cando unha anciá parisiense revelou o segredo que gardara durante anos nunha caixa de madeira. Tras unha serie de probas confirmouse que efectivamente era o membro de Rasputín e foi comprado por 8.000 dólares polo citado museo.

Sergei Tuganov, un cidadán ruso de 28 anos, perdeu a vida tras unha maratón de sexo de 12 horas con dúas mulleres que o retaron a cambio de 4.000 euros. O mozo aceptou e gañou a aposta, pero, por desgraza, nunca puido cobrar o premio. Finalmente, o seu corazón fallou e os médicos que acudiron de urxencia nada puideron facer pola súa vida. Mecánico de profesión, Tuganov quería demostrar a súa capacidade viril e para iso fixo provisión dunha gran cantidade de Viagra, co fin de manter unha erección durante o maior tempo posible. Unha ambición fatal.

{Fonte: El Diario Montañés, vía El Jueves}

Faleceu onte en Nairobi a activista medio-ambiental e política queniana Wangari Maathai, que recibiu o Premio Nobel da Paz no ano 2004 polo seu labor en defensa da natureza, e a potenciación ao mesmo tempo do labor da muller, a través da plantación de máis de 30 millóns de árbores. Foi a primeira muller africana en recibilo. A doutora Maathai foi membro do parlamento e ministra de Medio Ambiente e Recursos Naturais dentro do goberno presidido por Mwai Kibaki até novembro de 2005.

{Información extraída da cabeceira do seu artigo na Galipedia.}

Unha muller do distrito de Limerick cunha alerxia severa aos cans morreu en 2008 logo de practicar sexo cun pastor alemán. Trátabase dunha irlandesa que coñecera un tipo nun ‘chat’ de zoofilia vía Internet, quen lle propuxo manter relacións sexuais co seu can, ao que ela accedeu de forma voluntaria.

O home, Sean McDonnell, de 57 anos, está acusado de violar as leis que en Irlanda prohiben dende 1891 a zoofilia, polo que podería enfrontar unha pena de cadea perpetua por iso. A policía irlandesa, non obstante, determinou que o sexo foi consentido pola muller, falecida dun shock anafiláctico poucas horas despois do encontro sexual co can.

{Fonte: The Journal}