Amais dos blogueiros oficiais, tamén colaboran na actualización do noso blog os guionistas.
Blog
Xaquín Saurin
Xaquín Saurin naceu na cidade da Coruña en 1970 e estudou arquitectura na súa universidade. A súa militancia en organizacións de esquerdas levouno a ingresar en diferentes colectivos LGTB, nos que desenvolve programas pedagóxicos en centros de ensino. Cómpre salientar tamén a súa defensa do coñecemento libre.
Olalla Tuñas
Olalla Tuñas naceu na Serra de Outes en 1989. Malia a súa curta idade, conta con importantes premio literarios, como o Francisco Añón ou o Ánxel Casal, de poesía e conto respectivamente. Así mesmo está vinculada ao teatro e á música folclórica galega. Na actualidade é estudante de Xornalismo na USC, e escribe para o dixital Galiciaé.
Ana Vispo
Ana Vispo, filla de emigrantes galegos, naceu en Lausanne en 1988. Estuda o último ano de Xornalismo na USC e reside agora en París, cunha bolsa de estudos. Ten en mente facer un mestrado a distanza sobre sexoloxía. Amais, dende hai anos ten unha sa obsesión coa literatura erótica e co sexo en xeral.
José Andrés
José Andrés naceu en 1981 na cidade da Zaragoza, un día despois do golpe de estado de Tejero e un día antes do 28º aniversario de Aznar. É doutor in fieri en xornalismo. Actualmente reside en Madrid, despois de varios anos viaxando por Europa e América. Apaixonado dos sucesos, a literatura subversiva e o sistema financeiro dinamarqués, detesta a sociedade que o arrodea e desexa colaborar neste espazo aberto de comunicación, sobre sexo e en galego, lingua que quere ben malia non ser a de seu.