É o máis doado do mundo colaborar connosco, tan sinxelo como comprar produtos de calidade co selo oficial 'ODF'.
Non ten dúbida, porque os beneficios derivados da venda destes produtos irán destinados ao desenvolvemento do filme, sen intermediarios, comisións, filtros e outras marabillosas técnicas de coado. Ademais, coa compra de calquera dos paquetes de apoio, o nome do comprador aparecerá (quen non desexe que así sexa, só ten que nolo apuntar) na listaxe de coprodutores, nos créditos da fita. Temos camisolas, chapas variadas e mais un libro con ilustracións orixinais editado por 2.0 editora que agardan a ser varridos do noso stock a base de apoio financeiro.
Bo é lembralo, aquí ninguén leva un peso, que vai todo todiño para o financiamento.
No noso espazo na páxina de Toupa, colaboradora deste proxecto, os produtos á venda están detallados debidamente. Para acceder ao sitio simplemente hai que premer no pantallazo de arriba. Graciñas e aquí seguimos.
